Palcoscenico

[Testo di "Palcoscenico"]

[Intro]
"Signó, acalàte
Ca i' dimane nun ce vengo"

[Strofa 1]
Va p' 'o vico 'na voce, 'na stesa
P' 'e mmaéste ca vònno fà spesa
'Na carretta, ch'è chiena 'e campagna
Ll'accumpagna pe' tutt' 'a città
Mo' 'na sciassa cu 'o rrusso e cu 'o ggiallo
S'appresenta cu 'a museca e 'o ballo
Pazzariéllo è chist'ommo ch'avanza
Vótta e scanza, cchiù folla se fa

[Ritornello]
Puó dì
Ch' 'e strade 'e Napule cheste so'
'Nu palcoscenico
Puó dì
Ch' 'a gente 'e Napule chesto vo'
'Nu palcoscenico
So' scene comiche
So' scene tragiche
Mentre se rеcita
Siente 'e cantà:
"Napulе, Napule, Napule, Na'
Acqua fresca, chi s' 'a véve"

[Strofa 2]
'Npont'ô vico s'apára 'na festa
Passa 'o ruoto, 'o varrile, 'a canesta
Comm'arriva 'na chiorma 'e straniere
Che se vede? Currite, currì
Carulina se scippa cu Rosa
Chesta è 'nzista, ma chella è gelosa
Pe' 'nu guappo ca 'nganna dduje core
'Sti ddoje sore so' bone 'e murì

[Ritornello]
Puó dì
Ch' 'e strade 'e Napule cheste so'
'Nu palcoscenico
Puó dì
Ch' 'a gente 'e Napule chesto vo'
'Nu palcoscenico
So' scene comiche
So' scene tragiche
Mentre se recita
Siente 'e cantà:
"Napule, Napule, Napule, Na'
Acqua fresca, chi s' 'a véve"

[Bridge]
So' scene comiche
So' scene tragiche
Mentre se recita
Siente 'e cantà:
"Napule, Napule, Napule, Na'
Acqua fresca, chi s' 'a véve"

[Outro]
"Signó, acalàte
Ca i' dimane nun ce vengo
Acalàte"