Simmo ’e Napule, paisà!
[Testo di "Simmo ’e Napule, paisà!"]
[Strofa 1]
Tarantella, facennoce 'e cunte
Nun vale cchiù a niente
'O ppassato a penzà
Quanno nun ce stanno 'e tramme
'Na carrozza è sempe pronta
'N'ata a ll'angolo sta già
Caccia, oje nénna, 'o crespo giallo
Miettete 'a vesta cchiù carella
Cu 'na rosa 'int' 'e capille
Saje che 'mmidia 'ncuoll' a te
Tarantella, si 'o munno è 'na rota
Pigliammo 'o minuto
Che sta pe' passá!
[Ritornello]
Basta ca ce sta 'o sole
Ca c'è rimasto 'o mare
'Na nenna a core a core
'Na canzona pe' cantà
Chi ha avuto, ha avuto, ha avuto
Chi ha dato, ha dato, ha dato
Scurdammoce ô ppassato
Simmo 'e Napule, paisà!
[Strofa 2]
Tarantella, 'o cucchiere è 'n'amico
Nun 'ngarra cchiù 'o vico
Addò m'ha da purtà
Mo' redenno e mo' cantanno
S'è scurdato 'o coprifuoco
Vò surtanto cammenà
Io, nu poco fatto a vino
Penzo ô mmale e penzo ô bbene
Ma 'sta vocca curallina
Cerca 'a mia pe' m' 'e vasá!
Tarantella, si 'o munno è 'na rota
Pigliammo 'o minuto
Che sta pe' passá!
[Ritornello]
Basta ca ce sta 'o sole
Ca c'è rimasto 'o mare
'Na nenna a core a core
'Na canzona pe' cantà
Chi ha avuto, ha avuto, ha avuto
Chi ha dato, ha dato, ha dato
Scurdammoce ô ppassato
Simmo 'e Napule, paisà!
[Outro]
Chi ha avuto, ha avuto, ha avuto
Chi ha dato, ha dato, ha dato
Scurdammoce ô ppassato
Simmo 'e Napule, paisà!