Handa Na

Hindi ko na hinanap, ni wala na sa hinagap
Na darating pa ang araw na ito
Na-kuntento na akong magpatangay na lang sa alon
Kung saan man mapadpad ay doon ako

Dahil sa dami ng nakita kong mga pusong di nagkatagpo
Inisip kong di para sa'kin 'to
Ngunit ang bawat pangamba, ang bawat takot ko at duda'y nawala
Nung narito ka na. Ngayon alam ko nang

Ako'y handa na, ang puso kong ito ay handa na
Na mapasaiyo habang buhay
At sa susunod pang magpakailanman
Pangako ko sa'yo
Na ikaw, tanging ikaw
Ang laging pipiliin ko

Akalain mo nga naman, na ang dating wala naman, kaibigan lang ako sa'yo
Ngunit biglang may naramdaman, na hindi pa naramdaman mula nung magmahal itong puso

Nag-alangan pa'ko nung una
Baka lahat ng pinuhunan ay masayang lang
Dahil hindi ikaw
Kaya't aking pinagpanata
Upang ako ay mapanatag
At sinagot naman ang panalangin ko
Ngayo'y alam ko nang ako ay

Handa na, ang puso kong ito ay handa na
Na mapasaiyo habang buhay
At sa susunod pang magpakailanman
Pangako ko sa'yo

Sa isandaang milyong alternatibong mundo
Ikaw at ikaw lang ang hahanapin ko
Dahil ikaw, tanging ikaw
Ang itinakdang sa akin
Ikaw lamang ang mamahalin

Oo ikaw tanging ikaw, ang laging pipiliin ko