Gwerz Penmarc'h

Bremañ bloaz da Santez Katell
Sortias ar flod deus a Vourdel
Sortias ar flod deus a Vourdel

Pa oent erru e-tal Penmarc'h
O devoent kavet avel a-walc'h
O devoent kavet avel a-walc'h

Petra c'hoarvez gant penmarc'hiz
O terc'hel gouloù-noz 'n o iliz ?
O terc'hel gouloù-noz 'n o iliz ?

Kri oe 'r galon na ouele
E-tal Penmarc'h neb a vije
E-tal Penmarc'h neb a vije

Neb a welfe merc'hed Gwaien
O vont d'an aod beb a-unen
O vont d'an aod beb a-unen

Seizh intañvez ha seizh-ugent
O vont d'an aod en ur vandenn
O vont d'an aod en ur vandenn

O c'hoûll an eil digant eben
Na peus ket klevet keloù ma den ?
Na peus ket klevet keloù ma den ?

Keloù ho ten ha va hini
E-tal Penmarc'h 'maint o veuziñ !
E-tal Penmarc'h 'maint o veuziñ !

Mallozh ! mallozh da Benmarc'hiz
c zalc'h gouloù-noz en o iliz
c zalc'h gouloù-noz en o iliz

'Zalc'h gouloù-noz 'n o ilizoù
'Vit ma yay d'an aod 'r batimanchoù
'Vit ma yay d'an aod 'r batimanchoù