Gaye Dinon Ka Suraag Lekar Kidhar Se
gaye dinon ka suraag lekar kidhar se aaya kidhar gaya wo
ajib maanuus ajanabi tha mujhe to hairaan kar gaya wo
wo hijr ki raat ka sitaara wo ham-nafas ham-sukan hamaara
sada rahe usaka naam pyaara suna hai kal raat mar gaya wo
wo raat ka be-nava musaafir wo tera shaayir wo tera ' naasir'
teri gali tak to hamane dekha tha phir na jaane kidhar gaya wo
bas ek moti si chhab dikhaakar bas ek mithi si dhun sunaakar
sitaaraa-e-shaam ban ke aaya ba-rang-e-kaab-e-sahar gaya wo
kushi ki raat ho ya gam ka mausam nazar use dhuundhati hai haradam
wo buu-e-gul tha ki nagmaa-e-jaan mere to dil mein utar gaya wo
na ab wo yaadon ka chadhata dariya na fursaton ki hai os barakha
yuunhi zara si kasak hai dil mein jo zakm gahara tha bhar gaya wo
kuchh ab sambhalane lagi hai jaan bhi badal chala daur-e-aasamaan bhi
jo raat bhaari thi tal gayi hai jo din kada tha guzar gaya wo
bas ek manzil hai bul-hawas ki hazaar raste hain ahal-e-dil ke
yahi to hai farq mujhamein usamein guzar gaya main thahar gaya wo
shikastaa-pa raah mein khada huun gaye dinon ko bhuu raha huun
jo qaafila mera hamasafar tha misaal-e-gard-e-safar gaya wo
mera to kuun ho gaya hai paani sitamagaron ki palak na bhigi
jo naala uttha tha raat dil se na jaane kyuun be-asar gaya wo
wo mayakade ko jagaane waala wo raat ki nind udaane waala
ye aaj kya usake ji mein aayi ki shaam hote hi ghar gaya wo
wo jisake shaane pe haath rakh kar safar kiya tuune manzilon ka
teri gali se na jaane kyuun aaj sar jhuk