سلام يا محمد [Original]
Saeed Bin Karaz Al Muhairi
سلام يا محمد على دارك سلام
ياعز دولتنا سندها عونها
سلام لك مني تحية واحترام
حب وولاء وإخلاص في مضمونها
بوخالد التاريخ يالسيف الحسام
ياباذلٍ حاله وماله دونها
أنت الإمام لي تسنّم في السنام
تاريخ مجدك سيرةٍ يروونها
يلّي على الهامات.. لك قدر ومقام
سبعة قرونٍ ماضية .. يقرونها
تاريخ لك في الأرض .. مايبغي كلام
راسي كما ترسي الجبال اركونها
لك لابةٍ تفرح .. بهم وقت الخصام
لي ضاقت الهيجاء ظهر مكنونها
سِم العداء وسيوف .. في يوم الزحام
تعزل عَلابيهم تِحَذف امتونها
أهل القِنا والسيف .. ساداتٍ كرام
الروح في شف الوطن يهدونها
أخذتنا ياسيدي فوق الغمام
هناك وين العِلْم .. عَظم كونها
يشهد لك العالم على مرّ الأعوام
إنك خليفتها .. نعم مأمونها
من حبّه الرحمن حبّوه الأنام
وانته حبيب الشعب .. ضيّ عيونها