تهبي يا رياح الحياه

تهبي يا رياح الحياة دايماً بما لا أشتهيه
واللي السنين مقدماه غير اللي قلت نفسي فيه
يلاقي قلبي فين دواه واللي أذاه أقرب ما ليه، ده جرح بيعلّم

وصعب تسكن الآلام واخرج من اللي فات سليم
وصعب لمّا أروح أنام ما افضلش أراجع القديم
طلع مكلّف العلام وخذت درس في الصميم، ولسه بتعلّم

ركز يا قلبي في اللي جاي وألف شكر للي باع
ما صانش حتى بوء شاي سلام يا ثلثمية وداع
واللي لقانا ما يساعوش فخانة الوداع تساع، مشاعرنا مش لعبة

ما تتشغلش باللي فات خليك يا قلبي في المفيد
كبر لأي ذكريات وركز بس في الجديد
لازم تقسّم الخانات بمين قريب ومين بعيد، الحسبة مش صعبة