Picasso Se Song

My hart is in 'n speaker boks gebêre in wit Wellington
Hy's gewoond aan AC/DC speel maar die metafoor is Breyten s'n

Namakwaland kweek drome
Na elke jaar se reën
En Joburg lyk soos Rome
Net sonder hart of been

Picasso sou kon lekker bly in Hartenbos se hand
En Shakespeare sou kon poetry skryf op Mosselbaai se sagte sand

In ons land van steel en bedel
Soek jy telkens na jou rus
Op die trein van toek na vrede of die Melville party bus

Want wense kos net tiekies
Op die plekke langs die pad
Dit hang af wie jou wens kies, dis belangrik wie hom vat

Picasso sou kon lekker bly in Hartenbos se hand
En Shakespeare sou kon poetry skryf
Op Mosselbaai se sagte sand

In jou flat in Hilbrow saans
Sit ons op jou balcony
En ons sing van hoe ons dans
Al weet ons dat ons kan nie

My hart is in 'n speaker boks gebêre in wit Wellington
Hy's gewoond aan AC/DC speel maar die memories is ons s'n