U Is Altyd Daar

Eer aan U o Heer met stem en snaar
Want U is Almagtig, U is altyd daar
Ver in die verlede toe alles net gedagte was
Het U my geken, gesê U hou my vas

Niks kan my van Sy liefde skei nie
Sal my hart Hom nie met dank verbly
Ek bring U lof met stem en snaar
Wat ek doen of waar ek gaan, U is altyd daar

Elke klein gedagte, dié ken U reeds
Donker, donker nagte, U is by my steeds
U sluit alle deure, maak hulle weer oop
Ken alle gebeure op die paaie waar ek loop

Niks kan my van Sy liefde skei nie
Sal my hart Hom nie met dank verbly
Ek bring U lof met stem en snaar
Wat ek doen of waar ek gaan, U is altyd daar

Niks o Heer is vir U verborge
U ken al my vreudges, weet van my sorge
U het my met U drade geweef
Asem in my geblaas en beveel, My kind leef