John West
Die wolke pak saam in die Ooste
En hy staan met sy hoed in sy hand
Op sy sementdamwal en hy wonder gaan die somerreën
Hierdie jaar val?
Ek wonder nogsteeds by myself
Was ek daai jaar nege of elf?
Toe die sneeu dik gelê het
Op Hamiltonsrus en ons ons bure se vure
Vinnig moes blus
John West
Ek weet jy mis jou plaas
Ek weet jy dink aan Abraam en aan Petrus wat dronk raas
Jy droom van koringlande
Jy bid nogsteeds vir reën
En al mis jy ook die Vrystaat
In die Kaap
Sal God jou seën
Soms lê hy laataande wakker
En hy dink weer aan vrugbare grond
Hy sien weer ‘n klein hopie sand tussen bome
Daar lê Nonna sy basterhond
Dan begin hy homself af te vra
Het die swaarkry hom regtig gepla?
Tussen lande vol mielies
En kampe vol wild
Het John West besef daar’s net teveel skuld?
John West
Ek weet jy mis jou plaas
Ek weet jy dink aan Abraam en aan Petrus wat dronk raas
Jy droom van koringlande
Jy bid nogsteeds vir reën
En al mis jy ook die Vrystaat
In die Kaap
Sal God jou seën
John West
Ek weet jy mis jou plaas
Ek weet jy dink aan Abraam en aan Petrus wat dronk raas
Jy droom van koringlande
Jy bid nogsteeds vir reën
En al mis jy ook die Vrystaat
In die Kaap
Sal God jou seën