Amuri senza amuri
[Testo di "Amuri senza amuri"]
Chi voli diri amuri senza amuri
Vulari senza ali 'ncontru ô suli
Scurau 'na gioventù cusennu tila
'Na vita ca è un pocu di cannila
E va facinnu sempri 'na filagna
'Stu suli nun ti coci e nun ti vagna
Acqua nun cci nn'è a mari pi l'arsura
Siti d'amuri sinu ca vivi cura
Chi voli diri amuri si lu senti
D'un cori cummattutu cu la menti
Comu lu Mungibeddu sempri vivi
Dintra cc’hai lu focu, fora la nivi
Ti dissi di lu cielu si' la luna
Di li risurrizioni idda s'adduna
Comu cuntenta pi la to prisenza
'Stu viaggiu ca inchìu un'esistenza
Chi voli diri amuri ora si sapi
Pigliari 'u ciuri ciuri comu lapi
Rutti su' li catini e li tinagli
Finiu lu tempu ca p'amuri squagli
Pirdisti la firmizza ca ti staglia
Vistutu e nivuru è, l'arma di paglia
Sulu la morti sciogli li turturi
Quannu si vivi amuri, senza amuri
Pirdisti la firmizza ca ti staglia
Vistutu e nivuru è, l'arma di paglia
Sulu la morti sciogli li turturi
Quannu si vivi amuri, senza amuri