U pumu
Gianni Belfiore
[Testo di "'U pumu"]
Quannu me matri mi fici vattiari
Comu 'na zita mi vosi fasciari
La so ricchizza era sulu 'ddu velu
A mia lassau un pizzuddu di celu
Pani e cipudda cunzatu cu nenti
Chistu è lu piattu di la me genti
Sulu a li festi si mancia la carni
Disiu d'un pumu crisciva cu l'anni
Tanti cristiani sutta lu munti
Cu la fatica scritta 'ntâ frunti
Ad aspittari la terra prumissa
Sempri un parrinu ca dici la missa
Terra scurdata di Diu e di santi
Sulu cci resta chiddu chi chianci
Tutta la vita sempri aspittari
Aspetta sempri a cu' 'un veni mai
Gira 'sta rota, gira 'stu munnu
O arrivi 'ncelu o resti 'nfunnu
Chi sorti amara ristari sulu
Senza putiri manciari 'ddu pumu