Liesl

As ek delf in vol dossiere
Met my gyte en my giere
Vind ek my verlate
In die doodloopstrate
Van wie ek is

Die grense tussen drome
En die afstand na gister
Bly lokkend maar sinister
Want al die paaie
Na Rome lei na jou

Hierdie is ‘n lovesong
Hierdie is ‘n lovesong
En dis joune

As die skadu’s met my weghol
Weet ek jy’s te ver
Dan soek ek songs wat ons sin is
Om die boeie
Van afstand te vergeet

Jy’s die bakstene
Onder my bed
Jy’s die ogiesdraad om my hart
Jou woorde is my bybel
Jou glimlag my hemel

En hierdie is ‘n lovesong
Hierdie is ‘n lovesong
En dis joune