Shodhisi Manava Rauli Mandiri
Shrikant Thakre, Ramesh Anavkar
शोधिसी मानवा राउळी मंदिरी
नांदतो देव हा आपुल्या अंतरी
शोधिसी मानवा राउळी मंदिरी
मेघ हे दाटती कोठुनी अंबरी
सूर येती कसे वाजते बासरी
रोमरोमी फुले तीर्थ हे भूवरी
दूर इंद्रायणी दूर ती पंढरी
शोधिसी मानवा राउळी मंदिरी
गंध का हासतो पाकळी सारुनी
वाहते निर्झरी प्रेमसंजीवनी
भोवताली तुला साद घाली कुणी
खूण घे जाणुनी रूप हे ईश्वरी
शोधिसी मानवा राउळी मंदिरी
भेटतो देव का पूजनी अर्चनी
पुण्य का लाभते दानधर्मातुनी
शोध रे दिव्यता आपुल्या जीवनी
आंधळा खेळ हा खेळशी कुठवरी
शोधिसी मानवा राउळी मंदिरी
नांदतो देव हा आपुल्या अंतरी
शोधिसी मानवा राउळी मंदिरी