Lagim

Dumilat ka at pagmasdan mo
Inang bayan ay nagsusumamo
Ang dating kaliwanagan
Bakit ngayon ay kadiliman

Huwag tumunganga sa ating bayan sumasama
Sa katarantaduhang ikaw ang may gawa
Puro patayan walang katapusan
Hindi ba naturuan ng pagmamahalan
Sagana sa yaman ugat ng lahat
Silang matataas ang may likha ng lamat

Mga hinanakit hindi na ba matatapos
Diba matitinag wala pa paggalang sa Diyos

Tayo na sa paraiso at wag na nating muling babalikan
Ang mga demonyo ay nagkalat na sa ating kapaligiran
Sila na nais maghasik ng kalagiman sa ating lipunan
At kung ikaw ay mahahawa ay lalong lagim ang kahihinatnan
Lagim ang sasapitin

Kasakiman kapangyarihan ikaw ba'y diyos ng sanlibutan
Pera na sa atin ay bumubuhay
Dito ay maraming nagbuwis ng buhay
Sobrang talino marami raw siyang naimbento
Ngunit lagim lamang ang siyang naging epekto
Ka plastikan sa kapwa tao ginagamit ang pangalang Kristo
Kaligtasan ang usap-usapan ngunit ang isipan ay kalaswaan
Dala ay biblia buong akala mo'y santo
Sa likod ng maskara ay isa palang diablo

Tayo na sa paraiso at wag na nating muling pa balikan
Ang mga demonyo ay nagkalat na sa ating kapaligiran
Sila na nais maghatid ng kalagiman sa ating lipunan
At kung ikaw ay mahahawa ay lalong lagim ang kahihinatnan
Lagim ang sasapitin