Chal Uth Re Mukunda [Album]
Dasharath Pujari, Suresh Bhat
चल उठ रे मुकुंदा झाली पहाट झाली
झाली पहाट झाली
बाहेर चांदण्याला हलकेच जाग आली
चल उठ रे मुकुंदा
मंदावला कधीचा गगनात शुक्रतारा
अन चोरपावलांनी आला पहाटवारा
गालावरी उषेच्या आली हळूच लाली
बाहेर चांदण्याला हलकेच जाग आली
चल उठ रे मुकुंदा
घे आवरून आता
घे आवरून आता स्वप्नातला पसारा
बेचैन गोकुळाने केला तुझा पुकारा
तव गीत गात सारी ही पाखरे उडाली
बाहेर चांदण्याला हलकेच जाग आली
चल उठ रे मुकुंदा
तुज दूर हाक मारी कालिंदीचा किनारा
कुंजातल्या फुलांनी केला तुला इशारा
तुज शोधण्यास वेडी राधा पुन्हा निघाली
बाहेर चांदण्याला हलकेच जाग आली
चल उठ रे मुकुंदा