Mee Bolale Na Kaahin

मी बोलले न काही नुसतेच पाहिले
हृदयात दाटलेले हृदयात राहिले
हृदयात दाटलेले हृदयात राहिले

परतून हाय जाण्या ओठांत शब्द आले
डोळ्यांतले इषारे डोळ्यांत कैद झाले
मी बंद पापण्यांनी हे सर्व साहिले
हृदयात दाटलेले हृदयात राहिले

देऊन सर्व काही नाही दिलेच काही
ज्याला हवे कळाया कळलेहि त्यास नाही
ज्याला हवे कळाया कळलेहि त्यास नाही
माझ्याच अंतरी मी हे फूल वाहिले
हृदयात दाटलेले हृदयात राहिले

निःशब्द आसवांनी समजाविले मनाला
निःशब्द आसवांनी समजाविले मनाला
की शाप वेदनेचा प्रीतीस लाभलेला
माझ्याच मी मनाशी हे गीत गायिले
हृदयात दाटलेले हृदयात राहिले
हृदयात दाटलेले हृदयात राहिले